Hirugarren urtez egin dute Moto Topaketa Azkoitian, Bikers Urola Kosta motozaleen elkarteak antolatuta. Goiz partean herriko plazan elkartu ziren ehun motozale inguru, eta elkarrekin ibilbidea egin zuten motoan, eta Añota sagardotegian gelditu ziren hamaiketakoa egiteko. Handik Azkoitira itzuli, eta Iturri jatetxean bazkaldu zuten.
Bazkalondoan, Zuazola kalean ikusgai izan zuten Show Stunt erakustaldia. Motoekin hainbat akrobazia ikusteko aukera izan zen bertan. Ekitaldi horrekin bukatu zuten aurtengo Moto Topaketa.