Furgobaratza zerbitzua Azkoitira iritsiko da etzi, astelehena. Oraingo honetan tomate landareei eskainiko diete tartea Altamirako Baratze Parkean. 18:00etatik 19:30era artean izango da tailerra, eta antolatzaileek adierazi dute doakoa izango dela.
Tomate landareak osasuntsu edukitzeko kontuan eduki beharreko hainbat kontu jorratuko dituzte saioan, hala nola landaketa distantzia, zaintza eta tratamenduak. Era berean, baratze parkera bertaratzen diren kide guztiei tomate landareak oparituko dizkiete.