Irristadak saihesteko eta jendea eror ez dadin, ez labaintzeko tratamendua eman ohi du herriko hainbat gunetan udalak. Aste honetan bertan, Aizkibel kaleko bi aldeetako espaloietan emango du ez labaintzeko tratamendua.
Lan horiek bihar, asteartea, 22:00etatik asteazkeneko 03:00etara artean egingo ditu. Udalak adierazi duenez, espaloietan tratamendua eman ondoren, lehortu egin behar izaten duela, eta hori da hain zuzen ere lanak gauez egitearen arrazoia: "Tratamendua eman den tokia ondo lehortu artean ez da komeni oinezkoak ibiltzea". Ziur enpresak egingo ditu Aizkibel kaleko espaloietako lanak.