Anaitasuna Kanku karate taldeak emaitza onak lortu zituen atzo, igandea, Derion (Bizkaia) jokatu zen VI. Euskadiko Beteranoen Kopan. Maite Larrañagak eta Juan Murillok urrezko domina jantzi zuten, lehenak emakumeen mailan, eta bigarrenak, gizonezkoen mailan.
Anaitasuna Kanku klubeko kideen esanetan, "giro ona" nagusitu zen atzo Derion. Euskal Herriko klubetako maisu ugarik parte hartu zuten Derioko lehian, eta hori horrela, Azkoitiko klubak garrantzia eman zien han lortutako emaitzei.
