Etzi, larunbata, Tentazioa Produkzioak konpainiak Ez naiz inoiz Dublinen egon antzezlana eskainiko du Baztartxo antzokian, 19:00etan. Maxixatzenek Azkoitiko Udalak emandako bi sarrera bikoitz zozkatu ditu Maxixatzeneko bazkideen artean.
Asko izan dira zozketan parte hartu duten bazkideak, eta horien artean zozketa egin ondoren, Lurdes Sudupe eta Mila Irazoki bazkideek irabazi dituzte larunbateko antzezlana zuzenean ikusteko bina sarrera. Sarrera eskuratu ez dutenek, berriz, Entradium atarian eros dezakete 8 euroren truke.