Santa Ageda bezpera izango da bihar, otsailak 4, eta egun hori iritsi baino lehen astindu dituzte aurten makilak Floreaga Ikastetxeko ikasleek. Floreagako ikasleak nahiz irakasleak aritu dira koplatan, eguraldia lagun, "eztarriz sano" aritu dira kantuan ikastetxeko atarian eta ikastetxe barruan. Koloretako zapiak lepoan lotuta eta makila eskuan hartuta, trikiti doinuek lagunduta aritu dira koplatan ikastetxean.
Bihar, Santa Ageda bezpera, Floreaga Ikastetxeko irakasle, ikasle eta guraso talde bat kantuan aterako da Azkoitiko kaleetan barrena; baita, Bizilore Eskola Aktiboko kideak ere. Azken horiek baserriz baserri ibiliko dira koplatan.
Argazkiak: Floreaga Ikastetxea