Etzi, larunbata, Txalo Produkzioak konpainiak Kottauak antzezlana eskainiko du Baztartxo antzokian, 19:00etan. Maxixatzenek Azkoitiko Udalak emandako bi sarrera bikoitz zozkatu ditu Maxixatzeneko bazkideen artean.
Asko izan dira zozketan parte hartu duten bazkideak, eta horien artean zozketa egin ondoren, Mireia Sudupe eta Maite Kaperotxipi bazkideek irabazi dituzte larunbateko antzezlana zuzenean ikusteko bina sarrera. Sarrera eskuratu ez dutenek, berriz, Entradium atarian eros dezakete 8 euroren truke.