Giza eskubideen eta konponbidearen aldeko Sare Herritarrak Bilbon egingo du aurten ere euskal presoen eskubideen aldeko urteroko manifestazioa. Etxera bidea gertu lelopean egingo dute aurtengo mobilizazio nagusia. Urtarrilaren 7rako jarri dute hitzordua; 17:00etan abiatuko da manifestazioa Bilboko kaleetan. Aurten, ordea, mahai inguru bat ere prestatu du Sare Herritarrak: ETAren, GALen, presoen sakabanaketa politikaren eta torturaren biktimak elkartuko dituzte bertan.
Azkoitiko Sare Herritarrak Bilboko manifestaziora joateko autobusa antolatu du herritik. Hain zuzen, manifestazioaren egunean 15:30ean abiatuko da autobusa Azkoitiko Julio Urkixo etorbideko geralekutik. Gaur zabaldu dute autobuserako izen-ematea, eta Latz tabernan jarri dute izen-emate orria. Azkoitia eta Bilbo arteko bidaia Azkoitiko Sare Herritarrak antolatutako autobusean egin nahi dutenek, urtarrilaren 5era arteko epea izango dute izena emateko. Izen-ematea 10 euro ordaindu beharko da, eta papera betetako unean bertan egin beharko da ordainketa.