Datorren asteartean, abenduak 27, Pirritx, Porrotx eta Marimototsek Urteak bete, abenturak bizi ikuskizuna eskainiko dute, Baztartxo Antzokian. Bi emanalditan aurkeztuko dute pailazoek azken lana; 16:00etan izango da lehen saioa, eta 18:30ean bigarrena. Maxixatzenek udalak emandako lau sarrera bikoitz zozkatuko ditu bazkideen artean. Bi sarrera bikoitz 16:00etako emanaldirako izango dira, eta beste bi 18:30eko ikuskizunerako.
Sarreren zozketan parte hartu nahi duten bazkideek osteguneko 12:00etara arteko epea izango dute. Zozketan parte hartzeko, honako lotura honetan eman daiteke izena, edota 943-56 01 64 telefonora deituta. Horrela egiten dutenek NAN zenbakia eta zozketaren kodea tekleatu beharko dituzte. Kasu honetan, zozketaren kodea 41 da.
Irabazleak ostiralean jakinaraziko ditu Maxixatzenek.