Atzo, osteguna, Amelieren ipuin kontaketa musikatuarekin gozatu ederra hartu zuten hainbat gaztetxok Azkoitiko Aizkibel liburutegian. Ipuin kontalaria arratsaldean izan zen liburutegian, eta zenbait ipuin kontatu zituen hark musikak lagunduta.
Era askotako aktibitateak ari dira egiten aurtengo ikasturtean Aizkibel liburutegian. Ipuin kontaketa arruntak nahiz musikatuak, zientzia zein idazketa tailerrak eta itzalen bidezko haurrentzako txotxongilo laborategiak antolatu dituzte urritik 2023ko uda bitartean.