Pirritx, Porrotx eta Marimototsek Urteak bete, abenturak bizi ikuskizuna aurkeztuko dute abenduaren 27an, asteartea, Azkoitian. Bi emanaldi egingo dituzte egun horretan Baztartxon, 16:00etan bata eta 18:30ean bestea, eta bietarako sarrerak bihar jarriko dituzte salgai.
Interneten jarriko dituzte sarrerak, bihar 10:00etatik aurrera, Azkoitiko Udalaren webgunean zein Entradium atarian. Sarrerak 6 eurotan salduko dituzte, eta erabiltzaile bakoitzak gehienez sei txartel erosteko aukera izango du.