Kids&Us ingeles akademiak Christmas party ikuskizuna antolatu du datorren larunbaterako, Elkargunean. 18:00etarako jarri dute hitzordua, eta bertan, dantzak, musika eta antzerkia uztartuko dituzte. 1 eta 12 urte arteko haurrei zuzenduta egongo da ekitaldia, eta sarrera doakoa izango da.
Ikuskizuna Gabonen bueltan irudikatuko dute, eta hori horrela izanda, Santaren laguntzaileak oso kezkatuta agertuko dira Rudolph elur-orein magikoa gaixorik dagoelako. Opari guztiak garaiz banatzen laguntzen asmatuko ote dute parte hartzaileek?