Floreaga Ikastetxeak eta ikastetxeko guraso elkarteak antolatuta, XXXI. Gabon Kantak jaialdiko kontzertua eskainiko dute datorren igandean, abenduak 18, Baztartxo antzokian. Ohi bezala, 12:00etan hasiko da emanaldia, eta ikastetxeko nahiz Gipuzkoako hainbat abesbatza gazte igoko dira abestera antzokiko oholtzara.
Floreaga Ikastetxeko haurren taldeak, AB Koruak, Debako musika eskolako abesbatzak, Bergarako musika eskolako abesbatzak, Mutrikuko koralak nahiz Madalen Txiki abesbatzak, eta Floreagako Elkarrekin abesbatzak parte hartuko dute emanaldian. Gabonetako abesti ezagunenak eta berrienak entzuteko parada izango da igandean Baztartxon.