Udazkenean sartuagatik, ohi baino gehiago kostatu da tenperaturak jaistea aurtengoan. Eguzki epeletan igaro ditu jendeak orain gutxira arteko egunak, baina hotza hasi da pixkanaka han-hemenka zirrikituak hartzen. Gaur, ezusteko parajearekin topo egin dute inguruotako bizilagunek; izan ere, zuri esnatu da Izarraitz ingurua. Lehen elur malutak iritsi dira mendi gailurretara, eta dagoeneko esan daiteke negua ate joka datorrela.
