Azaroaren 13an, igandez, jokatuko da 57. Behobia-Donostia lasterketa, eta hara joateko autobus zerbitzua eskainiko du Azkoitiko Udalak. Erakundeak jakinarazi duenez, autobusa joateko bakarrik izango da eta bakoitzak moldatu beharko du gero handik bueltatzeko.
Autobusean joan nahi duenak Elkargunean eman beharko du izena aurrez, eta bost euro ordaindu. Lasterketa egunean, autobusa 07:30ean abiatuko da lasterketaren irteera puntura Aizkibel liburutegiaren aurretik. 55 plazako autobusa hartuko du udalak eta izen-emate ordena jarraituko da eserleku guztiak bete arte.