Pandemiako bi urteetan huts egin ondoren, aurten itzuliko da Azpeitira Iraurgi Saskibaloiak antolatzen duen Garagardo Azoka. Hamabigarren edizioa izango du 2022koa, eta urriaren azken asteburua eta azaroko lehendabizikoa hartuko ditu. Azte Alde Zaharreko tabernarien elkartearekin eta Azpeitiko Udalarekin elkarlanean antolatuko du Iraurgik hitzordua.
Bost egun izango ditu, guztira, Azpeitiko XII. Garagardo Azokak: urriaren 28a, 29a eta 31, eta azaroaren 4a eta 5a; bi ostiral, bi zapatu, eta jai bezperako astelehen bat. Azoka Plaza izango da azokaren egoitza aurten ere, eta egun guztietan irekiera ordutegia bera izango da, 20:00etatik 02:00etara.