Glenna eta Roanna Larsen galestarrek Melody and Motion emanaldia eskainiko dute datorren igandean, hilaren 16an, Abaraxka aterpetxean. Zelta musika eta dantza oinarri hartuta, ingelesez eskainiko dute saioa, 17:00etan hasita. Adin guztietako pertsonentzat zuzendutako emanaldia izango dela aurreratu du Abaraxkak.
Antolatzaileen arabera, doako saioa izango da, eta aurrez erreserba egin nahi duenak 679-46 44 73 telefonora zenbakira dei dezake.