Gaur, igandea, hasi da Zarauzko Hondartzako Futbol Txapelketaren denboraldi berria. Azkoitiko bi taldek parte hartuko dute aurtengo lehian: Dean Team eta Mamba FC. Dean Team taldeak 4 eta 3 irabazi dute Il Capo taldearen aurka eta Mamba FC 3 eta 1 garaitu zuen Otamendi taldearen aurka. Senior mutilen multzoan hasi dute denboraldia Azkoitiko taldeek.
Guztira, 30 taldek eman dute izena aurtengo txapelketan aritzeko, baina gaur 28 elkartu dira Zarauzko hondartzan; izan ere bi taldek atseden eguna zuten gaur. Eskarmentu handiko talde beteranoak, urte gutxi batzuk daramatzatenak eta estreinakoz hondarretara jaisten zirenak bat egin dute, bakoitzak bere elastikoa defendatzeko gogoarekin.