Emakumeak aske eta bizirik nahi dituztela aldarrikatu dute hainbat azkoitiarrek gaur arratsaldean. Azkoitiko Udalak deituta, bost minutuko elkarretaratze isila egin dute herriko plaza nagusian, Benidormen (Herrialde Katalanak) ustez bere senarrak hil zuen Soraluzeko (Gipuzkoa) 68 urteko emakumea gogoratzeko eta haren hilketa salatzeko. Azkoitian indarkeria matxistaren aurka zioen pankarta eskuetan dutela elkartu dira udaletxe aurrean udal ordezkariak eta herritarrak.
Espainiako Poliziak joan den igandean aurkitu zuen emakumea labankadaz hilda Benidormeko bere etxean, eta hilketa hori salatzeko egin du erakundeak elkarretaratzea arratsaldean. Udalak "gaitzespenik irmoena" adierazi du hilketaren aurrean, eta "elkartasuna" helarazi die hildako emakumearen familiari eta gertukoei.