Hiru hilabetez zabalik egon ostean, igandean itxiko dituzte Ugarteigarango estali gabeko igerilekuak. Ekainaren 10ean zabaldu zituzten kanpoko igerilekuak, eta orduz geroztik, herritar ugari igaro da handik.
Aurten, gainera, ez da izan azken bi udetan hartutako neurririk igerilekua erabiltzerakoan. Aurten, ordutegi jarraian egon da zabalik igerilekua, hain zuzen, 10:30etik 20:00etara egon dira erabilgarri. Igandera bitartean ere ordutegi horretan zabalduko dute gunea, baina datorren astelehenean ez da hara joateko aukerarik izango, itxi egingo baitute datorren ekainera arte.