Beste toki askotan bezalaxe, Aizpurutxo auzoan ere bi urteko etena izan dute San Agustin jaiek. Datorren igandean, abuztuaren 28an, da San Agustin eguna, eta xume bada ere festa giroa izango dute auzotarrek, bertso-bazkariarekin.
11:00etan, San Agustin eguneko meza izango da auzoko elizan. 14:00etan, berriz, bertso-bazkaria egingo dute Itziar jatetxean. Bazkalostean, Iker Zubeldia eta Iban Urdangarin bertsolariak ariko dira kantuan. Dagoeneko, bazkarirako ia txartel guztiak salduta daudela azaldu dute Aizpurutxoko Itziar jatetxekoek.