Trail des Balcons de Cauterets mendi lasterketa egin du gaur Joseba Diaz lasterkari azkoitiarrak. 20 kilometro eta 1.300 metroko desnibela du probak, eta 01:48:30 denboran bukatu du, bigarren postua lortuta. "Pena pixka batekin" helmugaratu da azkoitiarra, izan ere azken sei kilometroetara arte lasterketa buruan joan da, baina hanketan izan dituen arazoak tarteko, ezin izan du helmugara aurrena iritsi. Proba Miguel Balavesek irabazi du, 01:46:31 denboran ibilbidea eginda, bi minutu geroago iritsi da helmugara azkoitiarra. Probako gizonen podiuma Pierrick Pagek (01:57:01 denborarekin) osatu du.
