Atzo, asteazkena, hamargarren urteurrena ospatzeko ekitaldia egin zuen Euskadi Lagunkoiak Donostiako Tabakaleran. Mertxe Zubillaga Azkoitiko Udaleko Berdintasun zinegotziak ere ospakizunean parte hartu zuen, Azkoitia ordezkatuz; izan ere, herria 2017an batu zen Euskadi Lagunkoia sarera, Azkoitia Lagunkoia izenarekin.
Matia Fundazioak jarri zuen abian ekimena, baina egun Eusko Jaurlaritzako Berdintasun, Justizia eta Gizarte Politiketako Sailak kudeatzen du. Ekimenaren helburua da herritarren parte hartzea sustatzea, Araba, Bizkai eta Gipuzkoako auzoak, herriak eta udalerriak garraioaren, etxebizitzaren, gizarte-zerbitzuen eta osasunaren eremuetan hobetzeko, baita eraikinak eta aire zabaleko espazioak ere. Gaur egun, 70 udalerri daude batuta ekimenera: 18 Araban, 27 Bizkaian eta 25 Gipuzkoan.