Etzi, larunbata, L. Azkoitiko Txikito Pilota Txapelketaren finalak jokatuko dituzte Gurea pilotalekuan. 10:30ean hasita, aurrebenjamin, benjamin eta alebin mailako finalak jokatuko dituzte.
Aurrebenjaminen mailan –2014an jaiotakoak–, Jon Azpiazuk eta Oihan Camposek osatuko dute finaleko bikote bat, eta Eneko Martijak eta Aietz Arizmendik bestea. Benjamin mailako finalean –2012 eta 2013 urteetan jaiotakoak–, Julen Azpiazu eta Jakes Kortadi arituko dira alde batetik, eta Ekain Juaristi eta Jurgen Aizpurua betetik. Eguneko hirugarren eta azken finala, berriz, alebin mailakoa izango da –2010 eta 2011 urteetan jaiotakoak–. Pello Alkorta eta Erik Ariztegi nahiz Joanes Juaristi eta Iker Garate izango dira finaleko bi bikoteak.