Imanol Arizmendi txirrindulari azkoitiarrak irabazi du Salamancako Diputazioaren 2022ko Sari Nagusia. Master 30 eta 60 mailetako lasterketa jokatu zuten atzo, larunbata, Salamancan (Espainia). Goizean zein arratsaldean igo behar izan zuten txirrindulariek bizikleta gainera. Goizean, 82 kilometroko etapa osatu zuten Castellanos de Moriscos eta Salamanca artean, eta arratsaldean, ia 8 kilometroko erlojupekoa egin behar izan zuten.
Goizeko lasterketa, esprintean erabaki zen. AC By Marriot taldeko Imanol Arizmendik ozta-ozta irabazi zion Iñaki Goibururi. Arratsaldeko proban ere Arizmendi izan zen azkarrena. Carbajosa de la Sagradan jokatu zuten erlojupekoa, eta txirrindulari azkoitiarrak bakarrik lortu zuen zazpi kilometro pasatxoko ibilbidea 10 minutu baino lehen osatzea. Sailkapen orokorrean, Goiburu bigarren sailkatuari bederatzi ehuneneko aldea atea zion Arizmendik.
Hona hemen sailkapena:
- Imanol Arizmendi 2:05:26
- Iñaki Goiburu 2:05:35
- Enrique Martin 2:05:58