Gaur, ostirala, zabaldu dituzte Ugarteigarango igerileku irekiak. Datozen hiru hilabeteetan egongo da zabalik gunea, hain zuzen, irailaren 11ra arte. Guztira, beraz, 94 egunez egongo da irekita Ugarteigaran. Igerilekuen ordutegia 10:30etik 20:00etara izango da, astelehenetik igandera bitartean.
Azken bi urteetan ez bezala, aurten normaltasunez gozatu ahal izango da igerilekuan. Hori horrela, ordutegi jarraia izango du Ugarteigaranek, eguerdian ez baitute itxiko instalazioa garbiketak egiteko. Horrez gain, gunean ez da bestelako neurri berezirik bete beharko. Hori horrela, hamakak eta aldagelak erabili ahal izango dituzte erabiltzaileek.