Kutxa Ekogunearen Furgobaratza zerbitzua eskainiko dute datorren asteartean Altamirako Baratze Parkean. Oraingo honetan, ongarriei buruzko saioa eskainiko dute, eta besteak beste, ongarritze egoki bat egiteko zein ongarri erabili eta nola azalduko dute tailerrean.
18:00etatik 19:30era artean eskainiko dute saioa, eta ohi bezala, irekia eta doakoa izango da. Landare ekologikoak erosteko aukera ere egongo da, eta lursailetarako aholkularitza teknikoa ere eskainiko dute.