Iker Murua futbol jokalari azkoitiarrak CD Ibiza Islas Pitiusas futbol taldean jokatuko du datorren denboraldian. Eivissako (Herrialde Katalanak) taldeak atzo eman zuen fitxaketaren berri, eta akordioaren arabera, han arituko da 2022-2023 denboraldian. Espainiako Bigarren RFEF mailan jokatuko du Muruak datorren sasoian.
Erdiko atzelari azkoitiarra Getxoko (Bizkaia) Arenas futbol taldean aritu da azken bi denboraldietan, eta orain esperientzia berri bat probatzea erabaki du Euskal Herritik kanpo. Muruak, besteak beste, Anaitasunan, Lagun Onaken, Sestao Riverren eta Gernikan egin du bere futbol ibilbidea.