Anaitasuna futbol taldeak sarean jakinarazi duenez, Xabi Artetxe entrenatzaileak beste urtebetez jarraituko du Anaitasunako mutilen lehen taldea entrenatzen. Talde horrek Espainiako Hirugarren Mailan jokatuko du 2022-2023 denboraldian ere.
Duela aste batzuk amaitu zuten 2021-2022 denboraldia Anaitasunakoek, eta Aurrera Ondarroari 3-1 irabazi zioten norgehiagokan. Azken garaipena lortuta, gorritxoek sailkapenaren erdian amaitu dute urtea, 52 punturekin.