Ingurumenarekin lotutako jarduerak egiteko dirulaguntzak eskuratzeko epea zabaldu du Azkoitiko Udalak, eta herritarrek datorren maiatzaren 11ra bitartean egin ditzakete eskaerak.
Honako hauek eska ditzakete dirulaguntzak: Azkoitian dauden entitateek, elkarteek eta erakundeek edo "ingurumena hobetzeko helburuarekin" noizean behin jarduera baterako elkartzen diren norbanakoek edo taldeek. Hitzaldiak, dibulgazio kanpainak, prestakuntza ikastaroak, herritarren parte hartzea sustatzen duten ekimenak edo tokiko ekonomiaren garapena bideratutako jarduerak gauzatzeko egin ahal izango dituzte eskaerak, Azkoitiko Udalaren webgunean, Tramiteak atalean edo udaletxeko Herritarren Arreta Zerbitzuan.