Datorren asteburuan hiru film ikusteko aukera izango da Baztartxo antzokian. Ostiralean, Titane filmarekin zine foruma eskainiko dute, 19:30ean hasita, eta igandean, umeei zuzendutako Ainbo, Amazoniako gerraria filma izango da, 17:00etan. Bestalde, Competencia oficial filmaren bi saio izango dira: igandean 19:30ean eta astelehenean 20:00etan. Azken hori ikuslearen eguna izango da.
Larunbatean ez da emanaldirik izango, Esne Beltza eta AMAK taldeen kontzertua izango delako, 19:00etan.