Datorren igandean, martxoak 6, Gontzal Mendibilek eta Iraurgi Abesbatzak kontzertua eskainiko dute Andre Mariaren Jasokundeko parroki-elizan. 18:00etan hasiko da udalak eta parrokiak antolatutako emanaldia, eta San Juan Gurutzekoren poema musikatuak kantatuko dituzte, Luis Baraizarrak aurkeztuta. Herriko abesbatza zuzentzen, berriz, Iñaki Maidagan arituko da.
Mendibilekin eta abesbatzako kideekin batera parte hartuko dute beste zenbait artistak ere. Maddi Otamendi izango da bigarren ahotsa, eta Angel Unzu, Jose Luis Canal eta Iñaki Dieguez musikariak. Emanaldirako sarrera doakoa izango da.