Martxoaren 12an, larunbatez, izango da aurtengo San Jose trikiti jaialdia, eta Soreasu antzokian (17:30) izango den emanaldirako sarrera gutxi batzuk baino ez dira gelditzen salgai. Horiek Kulturaz.eus webgunean eskura daitezke, hamabi eurotan.
Euskal Herriko Trikitixa Elkarteak egitarau oparoa prestatu du egun horretarako. Izan ere, agertokian izango dira Martittetarrak eta Jauregi, Elustondo anai-arrebak, Izer eta Alabier, Monttetarrak, Epelde anaiak, Itzeder eta Txibilter nahiz Zabale, Berastegi eta Lutxurdio.