Imanol Arizmendi azkoitiarrak 2022ko Kantabriako Master Itzulia irabazi du. Gaur, igandea, jokatu dute lasterketa horren bigarren eta azken etapa Camargon (Kantabria, Espainia), eta jaun eta jabe izan da Arizmendi gaurkoan zein sailkapen orokorrean. 02:18:26ko denbora egin du azkoitiarrak gaurko etapan, eta 04:17:53 sailkapen orokorrean.
Horrez gain, puntuen sailkapenean eta mendikoan ere lehen postua erdietsi du azkoitiarrak, eta taldekakoan ere podiumaren koska nagusira igo da, AC Hotel By Marriott Cycling bere taldeak irabazi baitu sailkapen hori.