Azkoitiko Plaza Ondo jubilatuen elkarteak webgune berria jarri du martxan. Elkarteko bazkideek eta herritarrek jubilatuen elkartearen berri izan dezaten sortu dute webgunea, eta, besteak beste, elkartearen albisteak eta irteeretako argazkiak nahiz bideoak argitaratuko dituzte gunean. Era berean, bidaien eta KZguneko egitarauaren berri ere emango dute. Aurrerago webgunean informazioa osatzen joango direla nabarmendu dute elkarteko kideek.
