Datorren larunbatean, Tartalo, gaztaren sekretua haurrentzako antzezlana eskainiko du Logela Multimedia konpainiak Azkoitiko Baztartxo antzokian, 18:00etan. Maxixatzenek Azkoitiko Udalak emandako bi sarrera bikoitz zozkatu ditu zozketan parte hartu duten bazkideen artean.
Bazkide askok parte hartu dute zozketan, eta horien guztien artean zozketa egin ondoren, Maite Lopez eta Eneko Juaristi bazkideak izan dira irabazleak. Irabazleek Baztartxo antzokiko leihatilan jaso beharko dituzte sarrerak ikuskizuna hasi aurretik.