Sarek deituta, euskal presoen eskubideen aldeko manifestazioa egitekoak ziren gaurko egunez Bilbon. Dena dela, egungo osasun egoera tarteko, mobilizazio horiek tokian-tokian egitea erabaki zuen erakundeak. Hori dela eta, hainbat herritar plazan elkartu dira gaur, 17:00etan, Elkarbizitzarako, bakerako, etxerako bidean zioen pankartaren atzean.
Hain zuzen ere, presoak "eskubideen subjektuak" direla ohartarazi du Sarek, eta gaurko mobilizazioen bidez, euskal presoen eskubideak bete ditzatela eskatu diote Eusko Jaurlaritzari eta Espainiako zein Frantziako Gobernuei. Era berean, euskal preso guztiak Euskal Herriratzeko eskatu du Sarek, baita gradu progresioan dagoen blokeoa askatzeko galdegin ere.