San Jose egoitzako senide taldeak antolatuta, Residencias SA: El negocio de los cuidados en Euskal Herria liburua aurkeztuko du gaur, osteguna, Ahoztar Zelaieta kazetariak. 19:00etan izango da aurkezpena, Elkarguneko Herriko plaza aretoan, eta edonork izango du hara joateko aukera.
Egoitzen inguruko hainbat gai lantzen ditu Zelaietak bere liburuan; besteak beste, erresidentzien pribatizazioak eragindako kalteak azaltzen ditu, eta fikziozko pertsonaien bitartez egoitza bateko egunerokotasunera gidatzen du irakurlea. Gai horietaz arituko da gaurko solasaldian.