Atzo, asteartea, Olentzeroren bisita izan zuten arratsaldean Floreaga ikastetxean. Ikastetxeko txikienak aretoan elkartu ohi badira ere, atzo, osasun egoeragatik, Olentzero gelaz-gela igaro zen haurrak bisitatzera. Gaur, berriz, Meltxor, Gaspar eta Baltasar Errege Magoak jaso dituzte Floreagan eta Azkoitian ohikoa den 'Ekarriko, ekarriko' oihuak sarri eta ozen entzun dira ikastetxean. Hiru Errege Magoek gozokiak ekarri dizkiete ikastetxeko ikasle txikienei, eta horien gutunak jaso dituzte.
Errege Magoak urtarrilaren 5ean aterako dira kalera. Azken orduan erabakia ez badute aldatzen, 19:30ean Santa Klara komentutik zaldiz abiatuko dira Meltxor, Gaspar eta Baltasar Errege Magoak.