Azkoitiko Udal Musika Bandak Gabon bezperako kalejira egingo du bihar, abenduak 24, herriko kaleetan zehar. Altzibar auzoan hasiko dute kalejira 11:30ean, eta handik herriko beste zenbait puntutara mugituko dira. Esaterako, Jausoroko plazara, Aizkibel liburutegira, Jandonianiz plazara eta herriko plaza nagusira.
Hainbat abesti eskainiko ditu musika bandak: El pequeño tamborilero, Hator hator, Din dan don, Gabon gaua eta White Christmas kantak. Abenduaren 31n ere egingo du musika bandak urte bukaerako kalejira.