Datorren asteburuan, 'Mamá o papá' filma eskainiko dute Baztartxo antzokian. Larunbatean, 19:30ean emango dute filma. Igandean, aldiz, 17:00etan eta 19:30ean eskainiko dute. Baztartxoko arduradunek jakinarazi dutenaren arabera, igandeko 17:00etako emanaldirako sarrerak 5 euro balioko du.
Astelehenean ez dute filmik emango; izan ere, 16:00etan eta 18:30ean Pirritx, Porrotx eta Marimotots pailazoek KuiKui ikuskizuna eskainiko dute herriko antzokian. Ikuskizunerako sarrerak online eskuratu ahal dira, Entradium atariaren bidez; sarrerek sei euro balio dute. Erabiltzaile bakoitzak ezingo ditu sei sarrera baino gehiago erosi.