Azkoitia eta Azpeitia arteko mugan dagoen Munategiko santutxoa konpontzeko lanak hasi zituzten atzo, astelehena. Aldamioa jarri dute eraikinaren buelta osoan, eta teilatua eta eraikinaren zenbait zati konponduko dituzte. Azkoitiko eta Azpeitiko udalen arteko adostasunaren ondoren hasi dira Munategiko santutxoaren eraberritze lanekin.
Santutxoak herri sarreretan edo irteeretan egon ohi dira, eta gurutze edo irudi erlijioso bat izan ohi dute normalean. Munategiko santutxoak Azkoitiko eta Azpeitiko harmarriak ditu alde banatan.
