Txerloia tenis klubak antolatutako Udazkeneko Tenis Txapelketa hilaren 15ean hasiko da. Banakako tenis txapelketa izango da, eta bi multzotan banatuko dute kanporaketa bidezko txapelketa; alde batean, koadro nagusia osatuko duten tenis jokalariak arituko dira, eta bestean, kontsolazioaren koadroa osatuko dutenak. Tenis taldeak, gainera, irekita du dagoeneko txapelketan izena emateko epea, eta interesa duten parte hartzaileek urriaren 13ra arteko epea izango dute.
Txerloia tenis klubaren 669 621 802 telefono zenbakira whatsapp mezu bat bidalita eman daiteke izena txapelketan, eta parte hartzaile bakoitzak 20 euro ordaindu beharko ditu. Tenis klubean urteko bonua dutenek eta tenis eskolakoek, aldiz, 15 euro ordaindu beharko dituzte. Klubak jakinarazi duenez, izen-ematea Bizum bidez edota txapelketako lehen partida jokatzerakoan ordaindu beharko dira.
Era beran, parte hartzaileren batek partida jokatu ondoren dutxa hartu nahi badu, tenis pista erreserba erreserbatzerakoan antolakuntzako kideren bati abisatu beharko dio. Abisua emandakoan, antolatzaileek bonu bat emango diote parte hartzaileari Elkargunean dutxa har dezan.