Ines Bengoa ipuin kontalariak Munduko ipuinak izeneko ipuin kontaketa saioa egingo du datorren ostiralean, urriak 8, Aizkibel liburutegian. 17:30ean hasiko da kontaketa, eta HH5 mailatik LH3 mailara bitarteko neska-mutilei zuzenduko dizkie ipuinak Bengoak.
Ipuin kontaketa bertatik bertara jarraitu nahi duten haurrek izena eman beharko dute nahitaez, plaza kopurua mugatua dela jakinarazi baitu Aizkibel liburutegiak. Hori horrela, izena emateko liburutegira bertara joan edota 943-85 08 98 telefono zenbakira deitu beharko da.