82. Musika Hamabostaldiak antolatutako organo zikloaren baitan, Jan Vermeire musikari belgikarrak kontzertua emango du Azkoitian, hain zuzen ere Andre Mariaren Jasokundeko parrokian. Belgikarraren emanaldia abuztuaren 5ean izango da, 20:00etan.
Udalak jakinarazi du, Vermaireren kontzertua zuzenean jarraitzeko gonbidapenak gaurtik aurrera udaleko Kultura sailean eska daitezkeela. Gonbidapenak eskatzeko, Kultura saileko 943-85 71 70 telefono zenbakira deitu edota kultu@azkoitia.eus e-postara idatzi beharko da.