Eromen produkzioaken eskutik, Iñigo Dierez idazle eta gidoigile azkoitiarrak egindako Guateke antzezlana eskaini dute Zestoako Antzerki Astean. Amancay Gaztañagak zuzendu du azkoitiarrak idatzitako lana. Era berean, Dierez bera ere egon da antzezle lanetan, pertsonaia gaizto baten papera hezurmamitzen. Ekainaren 30ean, Zestoako caravan Park pabilioian aurkeztu zuten lana.
Guateke antzezlanean guateke zoro batean daude antzezleak, munduaren gaitzetatik urrun. Antzerkiaren hasieran aurkeztu dituzte antzezlaneko hainbat pertsonaia. Lanean, besteak beste, feminismoa, amatasuna, Zaldibarko eta Donostiako zuloak eta COVID-19a dituzte jo puntuan.
