Matadeixeren 25. urteurrena ospatzeko ekintzak egin dituzte asteburuan, gune horretan bertan. Ostiralean, 18:00etatik 20:00etara bitartean, Alex Mendizabalek instalazio kontzertua eskaini zuen. Ondoren, 20:00etan, Peito Castelok Proposamenak izeneko kontzertu isila eta objektu dantzaren erakusketa nahiz aurkezpena egin zituen. 20:30ean, berriz, Mattin igo zen Matadeiko oholtzara, eta hark ere kontzertua eman zuen. Igandean, berriz, Bapatean antzerki taldearen Adabaki antzezlana zuzenean ikusi ahal izan zen, 17:00etatik aurrera.
