Azkoitiko Udaleko Gazteria sailak eta Elkarguneak udako marrazketa ikastaroa antolatu dute. Ekainaren azken astelehenetik uztailaren lehen ostiralera bitartean –ekainak 28tik uztailaren 2ra– iraungo du ikastaroak Elkargunean. 10:00etatik 12:00etara bitarteko bost saio egingo dituzte Gorka Larrañaga artista azkoitiarrak zuzenduta.
Ikastaroa LH4tik DBH4ra bitarteko ikasleentzat antolatu dute. Ikastaroan parte hartzeko izen-ematea irekita dago, eta ekainaren 18ra arteko epea jarri dute horretarako. Honako lotura honetan eman daiteke izena.