Indartsu hasi dute Azkoitiko palistek 2021. urteko Gipuzkoako Herriarteko Txapelketa. Izan ere, atzo Errenterian (Gipuzkoa) jokatu zuten final-zortzirenetako joaneko partida, eta 0-3 gailendu ziren azkoitiarrak.
Buruz buru kantxa osoan Iker Epeldek ez zion aurkariari irabazteko aukerarik utzi, eta 2-20 gailendu zen frontoian. Bigarren partidan, binakakoan, Igor Juaristi eta Aratz Zabaleta aritu ziren errenteriarren aurka, eta 16-20 irabazi zuten norgehiagoka. Hirugarren partidan, buruz buru zazpi koadroden barruan, Jokin Aizpuru aritu zen azkoitiarren izenean, eta 3-20 irabazi zuen neurketa.
Final zortzirenetako itzulerako partidak datorren asteburuan jokatuko dituzte Azkoitian.