Bulego musika taldeak hiru abestiz osatutako EP berria aurkeztuko du abenduaren 8an Baztartxo antzokian. Hasiera batean, emanaldi bakarra iragarri zuten, 18:00etakoa, baina sarrerak ordu gutxian agortu zirela ikusita, bigarren emanaldi bat egitea hitzartu dute taldeak eta Azkoitiko Udalak. Bigarren emanaldi hori ere abenduaren 8an Baztartxon izango da, baina 16:00etan. Emanaldi horretarako sarrerak bihar, ostirala, 13:30ean jarriko dituzte salgai Bulego taldearen webgunean. Aurkezpen "berezia eta esklusiboa" izango dela aurreratu du Azkoitiko musika taldeak.
Bulegok bi emanaldi egingo ditu abenduaren 8an
Hasieran emanaldi bakarra iragarri bazuten ere, bi izango dira azkenean: 16:00etan bata eta 18:00etan bestea. 16:00etako emanaldirako sarrerak bihar 13:30ean jarriko dituzte salgai Bulego taldearen webgunean. 18:00etako emanaldirako sarrera guztiak, berriz, agortuta daude dagoeneko.
Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide